Դուբայում բորտուղեկցորդը ձերբակալվել է՝ ԱԹՍ հարվածից հետո ծուխը լուսանկարելու համար

«Emirates» ավիաընկերության բորտուղեկցորդը Դուբայում ձերբակալվել է այն բանից հետո, երբ լուսանկարել է իրանական անօդաչու թռչող սարքի հարվածից առաջացած ծուխը և այն ուղարկել WhatsApp-ում փակ խմբի։ Այս մասին հայտնում է Paddle Your Own Kanoo (PYOK)-ը։ Դեպքը տեղի է ունեցել այն պահին, երբ աշխատակիցը գտնվել է ընկերության տրամադրած բնակարանում։

Տեղեկությունների համաձայն՝ տղամարդը հանկարծ զգացել է, թե ինչպես է շենքը ցնցվում, դուրս է նայել պատուհանից և տեսել է ծուխ, որը բարձրանում էր խոցված և ընկնող անօդաչու սարքից։ Նա լուսանկարել է տեսարանը և ուղարկել այն WhatsApp-ի փակ խմբում, ինչից հետո իրավապահները նրան հայտնաբերել են սոցիալական ցանցերում հաղորդագրությունների էլեկտրոնային վերահսկման համակարգի միջոցով։ «Detained in Dubai» կազմակերպության հիմնադիր Ռադհա Սթերլինգի խոսքով՝ միջադեպը տեղի է ունեցել դեռևս մինչև այն պահը, երբ իշխանությունները խիստ նախազգուշացումներ էին տարածել՝ արգելելով նման կադրերի նկարահանումն ու տարածումը։

Ներկայումս բորտուղեկցորդը պահվում է Ալ-Քուսաիս հայտնի ոստիկանության բաժնում։ Ավելի վաղ ևս նման դեպք էր գրանցվել, երբ զբոսաշրջիկը դատապարտվել էր երկու տարվա ազատազրկման՝ Դուբայում հանգստի ընթացքում հրթիռային հարվածի տեսանյութ նկարահանելու համար։ Նրա խոսքով՝ ինքը չէր ցանկացել խախտել օրենքը և անմիջապես ջնջել էր տեսանյութը, սակայն դա չի փրկել պատասխանատվությունից։