Ռուսաստանում «ԿՈՒԲ-2Է»-ն ճանաչվել է ամենաարդյունավետ կամիկաձե դրոն

«Կալաշնիկով» կոնցեռնն հայտարարել է, որ «ԿՈՒԲ-2Է» կառավարվող բարաժավորող զինամթերքը ներկայում համարվում է ամենաարդյունավետը իր դասում։ Արտադրողը պատրաստվում է այն ներկայացնել Հարավարևելյան Ասիայի պոտենցիալ պատվիրատուներին՝ ապրիլի 20-23-ը Կուալա Լումպուրում կայանալիք Defense Services Asia (DSA) միջազգային ցուցահանդեսի և համաժողովի ընթացքում։

Ըստ հաղորդագրության՝ «ԿՈՒԲ-2Է»-ն դարձել է բազմաֆունկցիոնալ հարվածային միջոց՝ նախատեսված տարբեր թիրախների խոցման համար։ Նշվում է, որ դրա թերմոբարիկ մարտական մասը արդյունավետ է ինչպես կենդանի ուժի ոչնչացման, այնպես էլ զրահապատ տեխնիկայի վնասման համար։

Համալիրը սպասարկվում է երեք հոգուց բաղկացած հաշվարկով, սարքի կշիռը կազմում է 14,5 կգ, իսկ գործողության շառավիղը՝ առնվազն 40 կմ։ Դրոն-կամիկաձեն կարող է թիրախին հասնել ինչպես նախապես տրված կոորդինատներով, այնպես էլ օպտիկաէլեկտրոնային համակարգի օգնությամբ։ Այն կրում է շուրջ 4,6 կգ քաշով մարտական մաս։ Ավելի վաղ հայտնի էր դարձել, որ «Կալաշնիկովը» մշակել է նաև «ԿՈՒԲ-10ՄԷ»-ն՝ ավելի քան 100 կմ թռիչքի հեռավորությամբ առաջին ռուսական տակտիկական կառավարվող զինամթերքը։