Ավարտվել է Համբարձում Մաթևոսյանի աշխատանքային այցը Նորվեգիա․ քննարկվել է բնապահպանական համագործակցության խորացումը

 

Այցի նպատակն էր խորացնել Հայաստանի Հանրապետության և Նորվեգիայի Թագավորության միջև համագործակցությունը շրջակա միջավայրի պահպանության, կենսաբազմազանության և կլիմայական քաղաքականության ոլորտներում։

Այցի շրջանակում անցկացվել է բարձրաստիճան հանդիպումներ և մասնագիտական քննարկումներ, որոնց ընթացքում անդրադարձ է կատարվել ՄԱԿ-ի «Կենսաբանական բազմազանության մասին» կոնվենցիայի կողմերի 17-րդ համաժողովին (COP17) առնչվող օրակարգային հարցերին, կլիմայական հարմարվողականության, կենսաբազմազանության կառավարման, կլիմայական դիվանագիտության, ինչպես նաև ոլորտային ֆինանսավորման հնարավորություններին։

 

Համբարձում Մաթևոսյանը շնորհակալություն է հայտնել գործընկեր նախարարին և նորվեգական կողմին՝ արդյունավետ համագործակցության և բարձր մակարդակով կազմակերպված հանդիպումների համար։

 

Այցը նշանակալի էր գիտելիքների փոխանակման, առաջատար փորձի ուսումնասիրման և երկկողմ համագործակցության ընդլայնման տեսանկյունից։

«Վստահ եմ, որ այցի արդյունքները կնպաստեն Հայաստանի Հանրապետության և Նորվեգիայի Թագավորության միջև գործընկերության հետագա խորացմանը և միջազգային բնապահպանական օրակարգում համատեղ նախաձեռնությունների արդյունավետ առաջմղմանը»,-նշել է նախարարը։