Փեզեշքիան. Իրանը մուսուլմանական երկրներին բարեկամ է համարում
Աշխարհ
Իրանը Մերձավոր Արևելքի բոլոր իսլամական երկրներին համարում է բարեկամական, և նրանց տարածքում ԱՄՆ թիրախների վրա հարվածները ինքնապաշտպանության դրսևորում էին, հայտարարել է Իսլամական Հանրապետության նախագահ Մասուդ Փեզեշքիանը։
«Իրանի Իսլամական Հանրապետությունը բոլոր մուսուլմանական երկրներին համարում է իր եղբայրները, և այս դիրքորոշումը հիմնված է Մուհամմադ մարգարեի գործելակերպի վրա։ Միևնույն ժամանակ, տարածաշրջանում ԱՄՆ ռազմական բազաների վրա վերջերս հասցված հարվածները կատարվել են որպես պաշտպանական միջոց», - ասել է նա Պակիստանի զինված ուժերի հրամանատար Ասիմ Մունիրի հետ հանդիպման ժամանակ։
Ավելին, Փեզեշքիանը կարծիք է հայտնել, որ տարածաշրջանի երկրները կարող են համատեղ լուծել խնդիրները՝ հենվելով «կրոնական և մշակութային ընդհանրությունների վրա», ինչպես, նրա խոսքերով, անում է Եվրոպան՝ «ՆԱՏՕ-ի մեխանիզմի միջոցով»։
Իսլամական Հանրապետության նախագահը շեշտել է, որ Մերձավոր Արևելքում հակամարտությունը ձեռնտու չէ ոչ մի կողմի համար։
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
