Միացյալ Նահանգները հայտարարել է Գերմանիային մոտ 12 միլիարդ դոլարի ռազմական տեխնիկա վաճառելու մտադրության մասին

ԱՄՆ-ը նախատեսում է Գերմանիային մատակարարել մի քանի տեսակի ռազմական տեխնիկա, այդ թվում՝ ռադարային հետևման կայաններ, MK-41 ծովային հրթիռային կայաններ, նավիգացիոն և էլեկտրոնային պատերազմի համակարգեր՝ ընդհանուր 11.9 միլիարդ դոլարի չափով, հայտարարել է Պետդեպարտամենտի մամուլի ծառայությունը։

Մամուլի ծառայության տվյալներով՝ այս գործարքը, որը հիմնականում վերաբերում է նավատորմի համար էլեկտրոնիկային և զենքին, կամրապնդի Գերմանիայի անվտանգությունը՝ որպես «Եվրոպայում քաղաքական կայունության և տնտեսական առաջընթացի ուժ»։

Lockheed Martin-ը և RTX-ը կլինեն այս պայմանագրի հիմնական կապալառուները։