Բժիշկը զգուշացնում է․ ալկոհոլը կարող է առաջացնել տանջող փորլուծություն

Ալկոհոլի օգտագործումը կարող է լուրջ խնդիրներ առաջացնել մարսողական համակարգում՝ հատկապես առաջացնելով ուժեղ փորլուծություն։ Այս մասին «Լենտա.ռու»-ին հայտնել է նարկոլոգ Մարինա Կալյուժնայան՝ ընդգծելով, որ նման ազդեցությունը հնարավոր է ինչպես պարբերական, այնպես էլ մեկանգամյա օգտագործման դեպքում։

Բժշկի խոսքով՝ ալկոհոլը խաթարում է ստամոքս-աղիքային համակարգի աշխատանքը՝ միաժամանակ բարձրացնելով ստամոքսաթթվի արտադրությունը և վնասելով լորձաթաղանթի պաշտպանական մեխանիզմները։ Արդյունքում աղիքներում արագանում է պերիստալտիկան, և սնունդը չի հասցնում նորմալ մարսվել ու ներծծվել։

Բացի այդ, ալկոհոլը ծանրաբեռնում է լյարդը և ենթաստամոքսային գեղձը, նվազեցնում է մարսողական ֆերմենտների արտադրությունը և խախտում է աղիքային միկրոֆլորան։ Մասնագետը նաև նշել է, որ հատկապես քաղցր ալկոհոլային խմիչքները կարող են մեծացնել այս ռիսկը՝ առաջացնելով փքվածություն, ցավեր և փորլուծություն։