Բժիշկը բացահայտել է՝ որ մարդկանց մոտ է քաղցկեղի ռիսկը զգալիորեն ավելի ցածր

Բժիշկ և հեռուստահաղորդավար Ալեքսանդր Մյասնիկովը հայտարարել է, որ Ժիլբերի համախտանիշ ունեցող մարդիկ ավելի հազվադեպ են բախվում քաղցկեղային հիվանդությունների։ Այս մասին նա խոսել է «Россия 1» հեռուստաալիքի «О самом главном» հաղորդման ընթացքում։

Մյասնիկովի խոսքով՝ Ժիլբերի համախտանիշը լուրջ հիվանդություն չի համարվում և, ըստ էության, անվտանգ է մարդու համար։ Նա նշել է, որ այս վիճակ ունեցող մարդիկ կարող են ունենալ թեթև դեղնություն, սակայն ընդհանուր առմամբ ապրում են լիարժեք կյանքով և նույնիսկ՝ ավելի երկար։

Բժիշկը հավելել է, որ այս խմբի մարդկանց մոտ քաղցկեղի առաջացման ռիսկը համեմատաբար ցածր է։ Ավելի վաղ նա նաև նշել էր մի շարք գործոններ, որոնք կարող են մեծացնել որոշ ուռուցքային հիվանդությունների առաջացման հավանականությունը, այդ թվում՝ հորմոնալ և ֆիզիոլոգիական առանձնահատկությունները։