Հրաձգություն է տեղի ունեցել՝ Օլիմպիական խաղերի մեդալակրի մասնակցությամբ

Ռուսաստանի Ինգուշեթիա հանրապետության Նազրանովսկի շրջանի Գազի-Յուրտ գյուղում տեղի է ունեցել հրաձգություն։ Տեղեկությունը փոխանցում են իրավապահ մարմինները։

Ըստ նախնական տվյալների՝ միջադեպին մասնակցել են մի քանի ժամանած մարզիկներ, այդ թվում՝ ազատ ոճի ըմբշամարտի Օլիմպիական խաղերի արծաթե մեդալակիր։ Կրակոցների հետևանքով վիրավորվել է տեղացի բնակիչ Ուգուրչիևը, որը տեղափոխվել է հիվանդանոց։

Նշվում է, որ զինված անձինք գյուղ են ժամանել երկու ավտոմեքենայով, որտեղ արդեն նրանց սպասել են տեղացիները։ Կողմերի միջև անմիջապես բախում է սկսվել, որի պատճառը, հավանաբար, ավելի վաղ սրճարանում տեղի ունեցած վեճն է եղել։