Զախարովան հայտարարել է, որ Ռուսաստանը Պուտինի օրոք «վերականգնել է» Երկրորդ համաշխարհայինի իրական պատմությունը

Ռուսաստանի ԱԳՆ պաշտոնական ներկայացուցիչ Մարիա Զախարովա-ն հայտարարել է, որ նախագահ Վլադիմիր Պուտինի օրոք Ռուսաստանը կարողացել է «հաղթահարել պատմական խեղաթյուրումները» և վերականգնել Երկրորդ համաշխարհային պատերազմի իրական պատկերն ու փաստերը։

Նրա խոսքով՝ խոսքը վերաբերում է ինչպես պատմագիտական աշխատանքի, այնպես էլ կրթական ոլորտում տեղի ունեցած փոփոխություններին։ Զախարովան ընդգծել է, որ Ռուսաստանի ղեկավարության, այդ թվում՝ անձամբ Պուտինի ներդրման շնորհիվ երկիրը «վերադարձրել է իր իրական պատմությունը»՝ կապված նաև Հայրենական մեծ պատերազմի հետ։

Զախարովայի հարցազրույցը նվիրված է ապրիլի 19-ին նշվելիք խորհրդային ժողովրդի զոհերի հիշատակի օրվան, որը առաջին անգամ է անցկացվելու այս ձևաչափով։