Լավրովը խոսել է Թրամփի վարչակազմի հետ տարաձայնությունների մասին

Ռուսաստանի ԱԳ նախարար Սերգեյ Լավրովը հայտարարել է, որ Մոսկվայի և ԱՄՆ նախագահ Դոնալդ Թրամփի վարչակազմի միջև շարունակում են պահպանվել բազմաթիվ տարաձայնություններ։

Լավրովի խոսքով՝ խնդիրները վերաբերում են տարբեր ոլորտների, այդ թվում՝ պատժամիջոցներին, որոնք դեռևս չեն վերացվել նախորդ վարչակազմի ժամանակներից։ Նա նաև նշել է, որ ռուսական ընկերությունները շարունակում են հայտնվել նոր սահմանափակումների տակ, իսկ դիվանագիտական սեփականության հարցը շարունակում է չլուծված մնալ։

Միաժամանակ ռուսական դիվանագիտության ղեկավարը ընդգծել է, որ անհրաժեշտ է քննարկում սկսել՝ հասկանալու, թե ինչպես է Սպիտակ տունը պատկերացնում ապագա տնտեսական հարաբերությունները Մոսկվայի հետ՝ հատկապես Ուկրաինայի շուրջ հակամարտության ավարտից հետո։