Կոլումբիայի նախագահը պատրաստվում է դատի տալ Էկվադորի նախագահին

Կոլումբիայի նախագահ Գուստավո Պետրոն հայտարարել է իր էկվադորցի գործընկեր Դանիել Նոբոայի դեմ քրեական հայց ներկայացնելու մտադրության մասին՝ նրան մեղադրելով զրպարտության մեջ։

«Ես որոշել եմ քրեական հայց ներկայացնել նախագահ Նոբոայի դեմ՝ զրպարտության համար», - գրել է Պետրոն իր սոցիալական ցանցերի բլոգում։

Կոլումբիայի նախագահի հայտարարությունը պատասխանն է Նոբոայի խոսքերին, որոնցում նա Պետրոյի՝ 2025 թվականի մայիսին էկվադորի Մանտա քաղաք կատարած այցը կապել է էկվադորցի թմրավաճառ Խոսե Ադոլֆո Մասիաս Վիլյամարի հետ՝ «Ֆիտո» մականունով, «Լոս Չոներոս» խմբավորման առաջնորդի շրջապատի հետ հնարավոր շփումների հետ։

«Նոբոան ինքն էր հրաման տվել, ինչպես և պետք է լիներ, որ Էկվադորի բանակը 24/7 ապահովի իմ անվտանգությունը Մանտայում, որտեղ ես ժամանեցի նրա երդմնակալության օրը, որին ես հրավիրված էի։

Նա ինձ արհամարհանքով վերաբերվեց միայն այն պատճառով, որ ես պահանջեցի քաղբանտարկյալ Խորխե Գլասի ազատությունը, որը Կոլումբիայի քաղաքացի է և Էկվադորի Հանրապետության նախկին փոխնախագահ», - ավելացրել է Պետրոն։

Վերջին մի քանի ամիսների ընթացքում Էկվադորը և Կոլումբիան առևտրային վեճի մեջ են։ Նոբոան փետրվարի 1-ին 30% մաքսատուրք է սահմանել կոլումբիական բոլոր ներմուծումների վրա։

Ի պատասխան՝ Կոլումբիան փոխադարձ միջոցներ է կիրառել և որոշել է կասեցնել Էկվադորի հետ էլեկտրաէներգիայի մատակարարման միջազգային համաձայնագրերը։