Հակակոռուպցիոն կոմիտեում տեղի է ունեցել հանդիպում աշակերտների հետ

ՀՀ հակակոռուպցիոն կոմիտեի կազմավորման 5-րդ տարեդարձի հոբելյանական միջոցառումների ծրագրով նախատեսված՝ հանրակրթական և բարձրագույն ուսումնական հաստատությունների ներկայացուցիչների հետ «Կոռուպցիայի դեմ արդյունավետ պայքարը սկսվում է յուրաքանչյուրից․ արժեքներ և վարքագիծ» խորագրով հանդիպումների շրջանակում ապրիլի 18-ին Հակակոռուպցիոն կոմիտեում հյուրընկալվել են ՀՀ Կոտայքի մարզի և Երևանի ավագ դպրոցների ավելի քան 40 աշակերտներ:

Կոմիտեի նախագահի տեղակալ Արմեն Ասատրյանը, ողջունելով աշակերտների հետաքրքրվածությունը կառույցի նկատմամբ և կոռուպցիայի դեմ պայքարի վերաբերյալ իրազեկվածությունը խորացնելու պատրաստակամությունը, խոսել է կառույցի աշխատանքի ու առաջնահերթությունների մասին, նրանց ավելի առարկայական և հանգամանորեն ներկայացրել Կոմիտեի կառուցվածքային ստորաբաժանումներն ու գործունեության հիմնական ուղղությունները:

Կոմիտեի նախագահի տեղակալը անդրադարձել է նաև կառույցի կողմից կոռուպցիայի կանխարգելման և բացահայտման ուղղությամբ իրականացվող աշխատանքներին՝ ընդգծելով, որ կոռուպցիայի դեմ պայքարի հաջողությունը մեծապես պայմանավորված է դրանում հասարակության ակտիվ ներգրավվածությամբ, իսկ դրա կարևոր մասը այդ գործընթացում երիտասարդների մասնակցության ապահովումն ու նրանց շրջանում իրավագիտակցության բարձրացումն է:

Հանդիպման ընթացքում տեղի է ունեցել ինտերակտիվ քննարկում, աշակերտները հնարավորություն են ունեցել բարձրաձայնել հետաքրքրող հարցերն ու իրենց մեկնաբանությունները ներկայացնել կոռուպցիայի դեմ պայքարին առնչվող մի շարք հանգամանքների վերաբերյալ:

ՀՀ հակակոռուպցիոն կոմիտեի կազմավորման 5-րդ տարեդարձի հոբելյանական միջոցառումների ծրագրով նախատեսված՝ հանրակրթական և բարձրագույն ուսումնական հաստատությունների ներկայացուցիչների հետ «Կոռուպցիայի դեմ արդյունավետ պայքարը սկսվում է յուրաքանչյուրից․ արժեքներ և վարքագիծ» խորագրով հանդիպումների շրջանակում ապրիլի 18-ին Հակակոռուպցիոն կոմիտեում հյուրընկալվել են ՀՀ Կոտայքի մարզի և Երևանի ավագ դպրոցների ավելի քան 40 աշակերտներ:

Կոմիտեի նախագահի տեղակալ Արմեն Ասատրյանը, ողջունելով աշակերտների հետաքրքրվածությունը կառույցի նկատմամբ և կոռուպցիայի դեմ պայքարի վերաբերյալ իրազեկվածությունը խորացնելու պատրաստակամությունը, խոսել է կառույցի աշխատանքի ու առաջնահերթությունների մասին, նրանց ավելի առարկայական և հանգամանորեն ներկայացրել Կոմիտեի կառուցվածքային ստորաբաժանումներն ու գործունեության հիմնական ուղղությունները:

Կոմիտեի նախագահի տեղակալը անդրադարձել է նաև կառույցի կողմից կոռուպցիայի կանխարգելման և բացահայտման ուղղությամբ իրականացվող աշխատանքներին՝ ընդգծելով, որ կոռուպցիայի դեմ պայքարի հաջողությունը մեծապես պայմանավորված է դրանում հասարակության ակտիվ ներգրավվածությամբ, իսկ դրա կարևոր մասը այդ գործընթացում երիտասարդների մասնակցության ապահովումն ու նրանց շրջանում իրավագիտակցության բարձրացումն է:

Հանդիպման ընթացքում տեղի է ունեցել ինտերակտիվ քննարկում, աշակերտները հնարավորություն են ունեցել բարձրաձայնել հետաքրքրող հարցերն ու իրենց մեկնաբանությունները ներկայացնել կոռուպցիայի դեմ պայքարին առնչվող մի շարք հանգամանքների վերաբերյալ: