ՌԴ Նախկին նախարարին բռնել են թմրանյութերի ազդեցության տակ մեքենա վարելիս

Ռուսաստանի Ուդմուրտիայի գյուղատնտեսության նախկին նախարար Միխայիլ Յուդինը ձերբակալվել է ավտոմեքենա վարելիս՝ թմրանյութերի ազդեցության տակ գտնվելու կասկածով։ Տեղեկությունը տարածել է Baza-ն՝ նշելով, որ 49-ամյա նախկին պաշտոնյան ղեկին է եղել Belgee մակնիշի մեքենայի, երբ ոստիկանությունը նրան կանգնեցրել է։

Խուզարկության ընթացքում իրավապահները մեքենայի սրահում հայտնաբերել են կանաբիսի փաթեթ, ինչի հետևանքով կազմվել են վարչական արձանագրություններ՝ թմրանյութերի ապօրինի շրջանառության և բժշկի նշանակման բացակայությամբ օգտագործման համար։ Յուդինը ընդունել է իր մեղքը և դատարանի որոշմամբ ենթարկվել է հինգօրյա վարչական կալանքի։

Հետագա խուզարկությունների ընթացքում նրա բնակարանում հայտնաբերվել է ևս մոտ 10 գրամ մարիխուանա, ինչի հիման վրա հարուցվել է քրեական գործ՝ խոշոր չափերով թմրանյութերի պահման հոդվածով։ Նախկին նախարարին սպառնում է մինչև երեք տարվա ազատազրկում։