Տուապսեում ԱԹՍ-ների զանգվածային հարձակման հետևանքով կա զոհ և վիրավոր

Ռուսաստանի Տուապսե քաղաքը ենթարկվել է անօդաչու թռչող սարքերի զանգվածային հարձակման, որի հետևանքով զոհվել է մեկ մարդ, ևս մեկը՝ վիրավորվել։ Այս մասին հայտնել է Կրասնոդարի երկրամասի նահանգապետ Վենիամին Կոնդրատևը։

Նախնական տվյալներով՝ զոհվածը տղամարդ է, իսկ վիրավորը տեղափոխվել է բուժհաստատություն և ստանում է անհրաժեշտ բժշկական օգնություն։ Հարձակման ընթացքում քաղաքի ծովային նավահանգիստներից մեկում հրդեհ է բռնկվել, իսկ մի շարք շենքերում՝ այդ թվում դպրոցում, մանկապարտեզում, թանգարանում, եկեղեցում և բազմաբնակարան բնակելի շենքում, կոտրվել են ապակիները։

Դեպքի վայրերում աշխատում են փրկարարական և մասնագիտական խմբեր՝ վերացնելով հարվածների հետևանքները։ Ավելի վաղ հաղորդվել էր, որ տարածաշրջանում անօդաչու սարքերի հարձակումները շարունակական բնույթ են կրում՝ թիրախավորելով տարբեր օբյեկտներ։