Anadolu. Իրանը կմասնակցի ԱՄՆ-ի հետ բանակցությունների երկրորդ փուլին ապրիլի 21-ին

Իրանը մտադիր է մասնակցել ԱՄՆ-ի հետ բանակցությունների երկրորդ փուլին Պակիստանի մայրաքաղաք Իսլամաբադում ապրիլի 21-ին, չնայած Հորմուզի նեղուցում լարվածությանը: Այս մասին հաղորդում է թուրքական «Անադոլու» լրատվական գործակալությունը՝ հղում անելով բանակցություններին ծանոթ պակիստանյան աղբյուրներին:

Նրանց տեղեկությունների համաձայն՝ իրանական պատվիրակությունը կարող է Իսլամաբադ ժամանել ապրիլի 21-ին։ Թեհրանն ինքը դեռևս պաշտոնապես չի հաստատել իր մասնակցությունը բանակցություններին։ Իրանի պատվիրակության կազմը կմնա նույնը. այն կգլխավորի խորհրդարանի խոսնակ Մոհամմադ Բաղեր Ղալիբաֆը, իսկ բանակցություններին կմասնակցի նաև արտաքին գործերի նախարար Աբբաս Արաղչին։

Ամերիկյան պատվիրակության կազմում, հավանաբար, կլինեն ԱՄՆ փոխնախագահ Ջ.Դ. Վենսը, ինչպես նաև նախագահի հատուկ դեսպանորդ Սթիվ Ուիթքոֆը և ամերիկացի առաջնորդի փեսան՝ Ջարեդ Քուշները։

Ուիթքոֆը և Քուշները կարող են Իսլամաբադ ժամանել երկուշաբթի կամ երեքշաբթի ուշ երեկոյան, մինչդեռ Վենսը կարող է Պակիստանի մայրաքաղաք ժամանել առանձին, հաղորդում է գործակալությունը։