Հնդկաստանի արտաքին գործերի նախարարություն. Ճգնաժամի սկսվելուց ի վեր Հորմուզի նեղուցով անցել է տասը նավ

Հնդկաստանի արտաքին գործերի նախարարության խոսնակ Ռանդհիր Ջայսվալը ճեպազրույցի ժամանակ հայտարարել է, որ Մերձավոր Արևելքի ճգնաժամի սկսվելուց ի վեր Հնդկական դրոշի ներքո նավարկող տասը նավեր անվտանգ կերպով անցել են Հորմուզի նեղուցով։

«Մեր տասը նավերն այժմ անվտանգ կերպով անցել են Հորմուզի նեղուցով և հասել Հնդկաստան», - ասել է նա։ Ջայսվալը հավելել է, որ մեկ այլ հնդկական նավ այժմ ճանապարհին է և շուտով կհասնի Հնդկաստանի ափեր։

Դիվանագետը նշել է, որ «մի քանի հնդկական նավեր» մնում են Պարսից ծոցի տարածաշրջանում։ «Մենք կապի մեջ ենք Իրանի և այլ երկրների հետ՝ Հորմուզի նեղուցով նրանց անվտանգ անցումն ապահովելու համար», - հավելել է Ջայսվալը։

Ապրիլի սկզբին Հնդկաստանի նավահանգիստների և նավագնացության նախարարությունը հայտնել է, որ Հորմուզի նեղուցում գտնվում է առնվազն 22 հնդկական դրոշի ներքո նավ։ Հնդկաստանի կառավարությունը դրանցից 20-ը որակել է որպես երկրի էներգետիկ անվտանգության համար կարևորագույն։