Սոլովյովը կոչ է արել Վիկտորիա Բոնյային ճանաչել օտարերկրյա գործակալ

Ռուսաստանյան հեռուստահաղորդավար Վլադիմիր Սոլովյովը հանդես է եկել հայտարարությամբ՝ առաջարկելով բլոգեր Վիկտորիա Բոնյաին ճանաչել «օտարերկրյա գործակալ»։ Նա նաև հայտնել է, որ դիմել է Ռուսաստանի քննչական կոմիտեի ղեկավար Ալեքսանդր Բաստրիկինին՝ Բոնյայի գործունեությունը ստուգելու խնդրանքով։

Սոլովյովի խոսքով՝ նա ցանկանում է, որպեսզի իրավապահ մարմինները գնահատեն բլոգերի գործունեությունը, իսկ արդարադատության նախարարությանը հարց է ուղղել՝ ինչու վերջինս դեռևս չի ընդգրկվել «օտարերկրյա գործակալների» ցուցակում։ Նրա պնդմամբ՝ Բոնյան կարող է ներգրավված լինել երկրում իրավիճակի ապակայունացման գործընթացներում։

Միաժամանակ Սոլովյովը հիշեցրել է, որ Բոնյան նախկինում, իր խոսքերով, համաձայնել էր գումարի դիմաց արտահայտվել Սահմանադրական փոփոխությունների դեմ։ Ավելի վաղ բլոգերը արձագանքել էր Պետդումայի պատգամավոր Վիտալի Միլոնովի քննադատությանը՝ նրա հայտարարությունները որակելով զրպարտություն և անթույլատրելի ձևակերպումներ։