Չինաստանի նավթի մատակարարների շարքում նոր խաղացող է հայտնվել

Չինաստան նավթի խոշոր մատակարարների ցանկում նոր երկիր է հայտնվել․ Բրազիլիան մարտ ամսին մտել է առաջատար հնգյակ՝ զգալիորեն ավելացնելով արտահանումը։ «Ինտերֆաքս»-ի փոխանցմամբ՝ Բրազիլիայի մատակարարումները տարեկան կտրվածքով աճել են շուրջ 2.5 անգամ՝ հասնելով օրական մոտ 1.18 միլիոն բարելի։

Նշվում է, որ հարավամերիկյան երկիրը արդեն հինգերորդ ամիսն անընդմեջ պահպանում է օրական ավելի քան մեկ միլիոն բարել մատակարարման մակարդակը։ Միաժամանակ, Ռուսաստանը շարունակում է մնալ Չինաստանի գլխավոր մատակարարը՝ տարեկան կտրվածքով ավելացնելով արտահանումը 13.9 տոկոսով և հասնելով օրական 2.37 միլիոն բարելի ցուցանիշի։

Մարտին երրորդ հորիզոնական է բարձրացել Ինդոնեզիան՝ օրական 1.31 միլիոն բարել մատակարարմամբ։ Ընդհանուր առմամբ, Չինաստանի ներմուծման կառուցվածքում փոփոխությունները պայմանավորված են նաև այլ մատակարարներից՝ Իրաքից, Մալայզիայից և Սաուդյան Արաբիայից գնումների նվազումով։ Միևնույն ժամանակ կանխատեսվում է, որ Ռուսաստանի նավթագազային եկամուտները կաճեն՝ նախորդ ամիսների վաճառքների հաշվին։