Մինչև 15 օր կալանք՝ պատշգամբում հայհոյելու և աղմկելու համար.ՌԴ

Ռուսաստանում բնակիչներին սպառնում է վարչական պատասխանատվություն՝ բազմաբնակարան շենքերում պատշգամբում աղմկելու և հայհոյելու համար։ Այս մասին հայտնում է KP.RU-ն՝ հղում անելով իրավաբան Ալեքսանդր Ֆիլինին։

Մասնագետի խոսքով՝ հատկապես երեկոյան ժամերին բարձրաձայն վեճերը և աղմուկը կարող են դիտարկվել որպես հանգստի իրավունքի խախտում։ Նման դեպքերում տուգանքի չափը սահմանվում է տարածաշրջանների կողմից և կարող է կազմել 1000-ից 3000 ռուբլի։

Եթե աղմուկին զուգահեռ քաղաքացիները նաև հայհոյում են և ցուցաբերում ագրեսիվ վարք, կարող է կիրառվել լրացուցիչ տուգանք՝ 500-ից 1000 ռուբլու չափով։ Իսկ առավել ծանր դեպքերում խախտողը կարող է ենթարկվել վարչական կալանքի՝ մինչև 15 օր ժամկետով։