Հարավային Կորեայում բեռնատարը վրաերթի է ենթարկել ցուցարարներին, որի հետևանքով մեկ մարդ զոհվել է

Բեռնատարը վրաերթի է ենթարկել բողոքի ցույց անող բեռնափոխադրողներին, որի հետևանքով մեկ մարդ զոհվել է, ևս երկուսը՝ վիրավորվել, հաղորդում է Yonhap News Agency-ն՝ հղում անելով տեղական իրավապահ մարմիններին։

«Կյոնսանգնամդո նահանգի ոստիկանության գործակալության տվյալներով՝ այսօր՝ ժամը 10:32-ին (տեղական ժամանակով, Մոսկվայի ժամանակով ժամը 4:32-ին – խմբ.) 2,5 տոննա բեռնատարը վրաերթի է ենթարկել CU մթերային ցանցի լոգիստիկ կենտրոնի դիմաց գտնվող ցուցարարներին», - հաղորդում է գործակալությունը։

Ինչպես հաղորդվում էր, այդ պահին այդ վայրում տեղի էր ունենում բեռնափոխադրումների արդյունաբերության արհմիության անդամների հանրահավաքը, որը պահանջում էր բանակցություններ վարել BGF Retail-ի ղեկավարության հետ, որը կառավարում է CU խանութների ցանցը: Գործադուլները սկսվել են ապրիլի 16-ին և նախատեսվում է շարունակել մինչև մայիսի 11-ը:

Yonhap-ի տվյալներով՝ 50-ամյա ցուցարարներից մեկը սրտի կանգով տեղափոխվել է հիվանդանոց, որտեղ էլ մահացել է։ Գործակալությունը հայտնում է, որ ևս երկու տուժածներ ստացել են միջին կամ թեթև վնասվածքներ, սակայն նրանց կյանքին այս պահին վտանգ չի սպառնում։