Ռուսաստանը չի մասնակցում ԱՄՆ-Իրան բանակցություններին, բայց պատրաստ է օգնել խաղաղ կարգավորման հասնելուն․ Պեսկով

Ռուսաստանը չի մասնակցում ԱՄՆ-Իրան բանակցություններին, բայց պատրաստ է օգնել խաղաղ կարգավորման հասնելուն, ասել է Կրեմլի խոսնակ Դմիտրի Պեսկովը։

- Մերձավոր Արևելքում իրավիճակը դեռևս շատ փխրուն է, գործնականում անկանխատեսելի։ Եթե Մերձավոր Արևելքում ռազմական սցենար վերադառնա, համաշխարհային տնտեսության և տարածաշրջանային անվտանգության համար հետևանքները կլինեն ավելի վատ։

- Ռուսաստանը ձգտում է երկխոսության այլ երկրների հետ, սակայն մինչ այժմ դա հաճախ փոխադարձ չի ստացվում Եվրոպայում։ Ռուսաստանը կարծում է, որ երկրների միջև հակասությունները պետք է լուծվեն բանակցությունների սեղանի շուրջ։ Մնում է պատասխանատու և շատ կարևոր խաղացող համաշխարհային էներգետիկ շուկաներում. դրա ծավալները շատ դժվար է անտեսել։

- Հունգարիայում և Բուլղարիայում ընտրությունների արդյունքների հիման վրա դեռ վաղ է եզրակացություններ անել այն մասին, թե արդյոք կփոխվի Ռուսաստանի նկատմամբ «համաեվրոպական կլիման»։