Թրամփը վստահ է, որ Իրանը կշարունակի մասնակցել բանակցություններին
Աշխարհ
ԱՄՆ նախագահ Դոնալդ Թրամփը կարծում է, որ Իրանը կշարունակի մասնակցել ԱՄՆ-ի հետ բանակցություններին։
«Նրանք կբանակցեն։ Եվ եթե դա չանեն, նրանք կբախվեն այնպիսի խնդիրների, որոնք երբեք չեն ունեցել», – պնդել է ամերիկացի առաջնորդը ռադիոհաղորդավար Ջոն Ֆրեդերիկսի հետ հարցազրույցում։
«Ես հույս ունեմ, որ նրանք կհասնեն արդար համաձայնագրի և կվերականգնեն երկիրը։ Բայց երբ դա տեղի ունենա, նրանք միջուկային զենք չեն ունենա, և մենք դա թույլ չենք տա», – հավելել է Սպիտակ տան ղեկավարը։
Ապրիլի 20-ին Իրանի խորհրդարանի խոսնակ Մոհամմադ Բաղեր Ղալիբաֆը հայտարարել էր, որ Թեհրանը չի բանակցի, եթե Վաշինգտոնը շարունակի սպառնալ Իսլամական Հանրապետությանը։ Նա հավելել էր, որ իր երկիրը «պատրաստ է ցուցադրել ուժերի նոր հավասարակշռություն մարտադաշտում», և որ դրա նախապատրաստական աշխատանքները, նրա խոսքով, «ընթացել են վերջին երկու շաբաթների ընթացքում»։
ՈՒՂԻՂ ԵԹԵՐ
Ամենադիտված 
Բացահայտվել է 1958-ին անհետացած հինգ հոգանոց ընտանիքի առեղծվածը
