CNN. Վենսի և Ղալիբաֆի մասնակցությամբ ԱՄՆ-Իրան բանակցությունները կկայանան ապրիլի 22-ին

ԱՄՆ-Իրան բանակցությունների երկրորդ փուլը տեղի կունենա չորեքշաբթի՝ ապրիլի 22-ի առավոտյան, հաղորդում է CNN-ը՝ հղում անելով իր աղբյուրներին։

ԱՄՆ փոխնախագահ Ջ.Դ. Վենսը կգլխավորի ամերիկյան պատվիրակությունը և երեքշաբթի առավոտյան կմեկնի Պակիստան: CNN-ի փոխանցմամբ՝ իրանական պատվիրակությունը կգլխավորի Իրանի խորհրդարանի (Մեջլիս) խոսնակ Մոհամմադ Բաղեր Ղալիբաֆը։

Իրանը նախկինում հայտարարել էր, որ դեռևս որոշում չի կայացվել ԱՄՆ-ի հետ բանակցություններին մասնակցելու վերաբերյալ։