Ռուսաստանը և Ուկրաինան հայտնել են նոր փոխադարձ հարվածների մասին
Աշխարհ
Ուկրաինայի ռազմաօդային ուժերը հայտարարել են, որ ապրիլի 21-ի գիշերը երկիրը հարձակման է ենթարկվել ռուսական երկու «Իսկանդեր» բալիստիկ հրթիռներով և 143 անօդաչու թռչող սարքերով, այս մասին հաղորդում է BBC-ի ռուսական ծառայությունը։
Հայտարարության համաձայն՝ ապրիլի 21-ի առավոտյան երկրի հյուսիսում, հարավում և արևելքում խոցվել է 116 անօդաչու թռչող սարք։
Դոնեցկի մարզային ռազմական վարչակազմի ղեկավար Վադիմ Ֆիլաշկինը հայտնել է, որ Սլավյանսկ քաղաքի վրա ռուսական զորքերի կողմից 1,5 տոննա ավիառումբ նետելու հետևանքով ապրիլի 21-ի առավոտյան երեք մարդ է վիրավորվել։
Նրա խոսքով՝ հարվածի հետևանքով ավերվել է դպրոց, վնասվել են 15 բարձրահարկ շենք և այլ շինություններ։
Խերսոնի տարածաշրջանային ռազմական վարչակազմի ղեկավար Ալեքսանդր Պրոկուդինը հայտնել է, որ Խերսոնի կենտրոնական շրջանի վրա ռուսական ԱԹՍ-ների հարվածի հետևանքով զոհվել է մեկ տղամարդ, վիրավորվել՝ մեկ կին։
Սումիի տարածաշրջանային ռազմական վարչակազմի ղեկավարի խոսքով՝ ռուսաստանցի զինվորականների հիմնական թիրախներից մեկը Սումի քաղաքն է եղել, որտեղ առնվազն 15 մարդ, այդ թվում՝ երեք դեռահաս աղջիկ, վիրավորվել են բնակելի թաղամասի վրա ԱԹՍ-ների հարվածների հետևանքով։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
