ՀՀ ֆինանսների նախարարի տեղակալներ հանդիպել են Հայ-բրիտանական առևտրի պալատի անդամների հետ՝ քննարկվել են տնտեսական բարեփոխումները

 

 Ավագ Ավանեսյանն իր ելույթում անդրադարձել է պետական գնումների գործընթացում հավասար հասանելիություն և արդար մրցակցություն ապահովելու համար ձեռնարկվող քայլերին, Հայաստանի տեղական կապիտալի շուկայի զարգացման ուղղությամբ իրականացված միջոցառումներին, ինչպես նաև պետական գնումների համակարգի թվայնացման գործընթացին:

 

Արման Պողոսյանը խոսել է հարկային քաղաքականության կանխատեսելիության բարձրացման և քաղաքականությունների մշակման գործընթացում մասնավոր հատվածի ներգրավվածության մասին: Անդրադարձ է կատարվել նաև ներկայումս մշակվող հարկային նոր հայեցակարգի հիմնական նպատակադրումներին և առանցքային շեշտադրումներին:

 

Քննարկումն անցել է հարցուպատասխանի ձևաչափով, և մասնակիցները հնարավորություն են ունեցել ներկայացնելու ոլորտներում ունեցած իրենց փորձառությունը և ուղղելու իրենց հետաքրքրող հարցերը: