ՌԴ Պետդումայում հայտարարել են, որ պետք է դադարեցնեն էներգետիկ ռեսուրսների մատակարարումը ՆԱՏՕ-ի և ԵՄ երկրներին

Անհրաժեշտ է դադարեցնել Եվրամիության և ՆԱՏՕ-ի երկրներին նյութական և էներգետիկ ռեսուրսների մատակարարումը։ Այս մասին ՌԻԱ Նովոստիին ասել է Պետդումայի պատգամավոր, «Արդար Ռուսաստան» կուսակցության առաջնորդ Սերգեյ Միրոնովը։

Նա ընդգծել է, որ Ռուսաստանը պատերազմ չի մղում Ուկրաինայի, այլ ԵՄ-ի և Մեծ Բրիտանիայի դեմ, որոնք Կիևի համար հրթիռների և անօդաչու թռչող սարքերի զանգվածային արտադրություն են սկսել։ Հետևաբար, անհրաժեշտ է դադարեցնել նրանց էներգետիկ ռեսուրսների և նյութերի մատակարարումը Ռուսաստանի խաղաղ քաղաքներին հարվածող հրթիռների և անօդաչու թռչող սարքերի համար։

Միրոնովը հայտնել է, որ «Արդար Ռուսաստան» խմբակցության Պետդումայի պատգամավորները մշակել են ԵՄ-ի և Մեծ Բրիտանիայի հետ տնտեսական դիմակայության հայեցակարգ։ Դրանով խորհրդարանականները առաջնորդվել են թշնամուն առավելագույն վնաս հասցնելու սկզբունքով՝ զրոյական կամ նվազագույն հակադարձ ազդեցությամբ ներքին տնտեսության վրա։