Ռուսաստանում արձագանքել են Սու-57-ի մասին հայտարարություններին

Ռուսաստանի Պետդումայի պատգամավոր Անդրեյ Կոլեսնիկը պատասխանել է արևմտյան մամուլում տարածված պնդումներին՝ նշելով, որ ԱՄՆ-ին պետք չէ անհանգստանալ Ռուսաստանի ռազմական ավիացիայի և պաշտպանունակության համար։ Նրա խոսքով՝ երկիրը լիովին վերահսկում է իր անվտանգության ոլորտը։

Ավելի վաղ ամերիկյան 19FortyFive պարբերականում հրապարակվել էր կարծիք, ըստ որի՝ Սու-57 կործանիչը և ՊԱԿ ԴԱ ռազմավարական ռմբակոծիչի նախագիծը կարող են խնդիրների առաջ կանգնել։ Կոլեսնիկը այդ պնդումները չի ընդունել՝ ընդգծելով, որ Ռուսաստանը կենտրոնացել է ռազմարդյունաբերական համալիրի զարգացման վրա։

Պատգամավորը հավելել է, որ նշված ինքնաթիռները ռազմավարական նշանակություն ունեն և շարունակում են մնալ երկրի անվտանգության համակարգի կարևոր մաս։ Նրա գնահատմամբ՝ Ռուսաստանի պաշտպանական կարողությունները զարգանում են ըստ նախատեսված ծրագրի, իսկ նման հայտարարությունները չեն արտացոլում իրական վիճակը։