Մոսկվայում տարածվում է «կանաչ ջրի» նոր թրենդը
Հասարակություն
Մոսկվայում արագ տարածվում է «կանաչ ջրի» թրենդը, որը հիմնված է հեղուկ քլորոֆիլի օգտագործման վրա։ Այս մասին հայտնում է Москва 24-ը՝ նշելով, որ հավելումը ակտիվորեն գովազդվում է բլոգերների և առողջ ապրելակերպի կողմնակիցների կողմից։
Վերջին մեկ տարվա ընթացքում այս արտադրանքի վաճառքները մի քանի անգամ աճել են։ Սոցցանցերում այն ներկայացվում է որպես «դետոքս» միջոց, որը կարող է բարելավել մաշկի վիճակը և նպաստել քաշի նվազեցմանը։ Օգտատերերից ոմանք նշում են, որ դրա օգտագործումից հետո զգում են էներգիայի ավելացում և քաղցրի նկատմամբ ցանկության նվազում։ Թրենդին միացել են նաև հայտնի անձինք, այդ թվում՝ Ռիզ Ուիզերսփուն և Գվինեթ Փելթրոու-ն։
Սակայն մասնագետները զգուշացնում են՝ չպետք է գերագնահատել հավելման ազդեցությունը։ Կենսաքիմիկոս Աննա Դիվինսկայայի խոսքով՝ օգտագործվող քլորոֆիլինը չի մաքրում օրգանիզմը և չի ազդում լյարդի աշխատանքի վրա, քանի որ մարմինը ինքնուրույն է իրականացնում դետոքսիկացիան։ Բժիշկները խորհուրդ են տալիս ցանկացած հավելում օգտագործել զգուշությամբ և չնշանակել ինքնուրույն։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
