ՆԱՏՕ-ի երկրները օդ են բարձրացրել կործանիչներ՝ ռուսական ռմբակոծիչների հայտնվելուց հետո

ՆԱՏՕ-ի մի շարք երկրներ օդ են բարձրացրել կործանիչներ՝ արձագանքելով Բալթիկ ծովի երկնքում ռուսական ռազմավարական ինքնաթիռների հայտնվելուն։ Այս մասին հայտնում է Associated Press-ը։

Հաղորդվում է, որ ռուսական Տու-22Մ3 ռմբակոծիչ-ների թռիչքից հետո վեց երկրի օդուժ արձագանքել է՝ բարձրացնելով իրենց կործանիչները։ Գործողությանը մասնակցել են Ֆրանսիայի, Շվեդիայի, Ֆինլանդիայի, Լեհաստանի, Դանիայի և Ռումինիայի ռազմական օդանավերը։

Մասնավորապես, ֆրանսիական Rafale կործանիչ-ները տեղակայվել են Լիտվայում գտնվող ավիաբազայից և միացել դաշնակից երկրների օդուժին։ Դեպքը ևս մեկ անգամ ընդգծում է տարածաշրջանում պահպանվող լարվածությունը և ՆԱՏՕ-ի երկրների արագ արձագանքման պատրաստակամությունը։