Կիևը մերժում է Մոսկվան և Մինսկը՝ որպես Զելենսկի–Պուտին հանդիպման վայր

Ուկրաինայի արտգործնախարար Անդրեյ Սիբիգան հայտարարել է, որ Կիևը դիմել է մի շարք երկրների՝ նախագահների Վլադիմիր Զելենսկիու և Վլադիմիր Պուտինի հանդիպում կազմակերպելու հարցով, սակայն բացառել է Մոսկվան և Մինսկը որպես հնարավոր հարթակներ։

Նրա խոսքով՝ Ուկրաինան պատրաստ է մասնակցել նման հանդիպմանը, եթե այն անցկացվի այլ մայրաքաղաքում։ Սիբիգան նշել է, որ դիմել են նաև Թուրքիային և մի շարք այլ պետությունների՝ միջնորդության համար, սակայն կոնկրետ քաղաքներ չի նշել։

Ուկրաինական կողմը կարծում է, որ նման հանդիպումը կարող է նոր դիվանագիտական շարժ հաղորդել գործընթացին։ Ավելի վաղ նշվել էր, որ Կիևը ցանկանում է ներգրավել նաև Դոնալդ Թրամփ-ին և Ռեջեփ Թայիփ Էրդողան-ին՝ որպես հնարավոր միջնորդներ բանակցությունների շրջանակում։