ԱՄՆ-ն և Իսրայելը հակամարտության 40 օրվա ընթացքում հարձակվել են 2000 էներգետիկ օբյեկտների վրա

Իսլամական Հանրապետության էներգետիկայի փոխնախարար Մոստաֆա Ռաջաբի Մաշհադիի խոսքով՝ 40-օրյա պատերազմի ընթացքում ԱՄՆ-ն և Իսրայելը հարձակվել են Իրանի ավելի քան 2000 էներգետիկ օբյեկտների վրա։

«Չնայած պատերազմի ընթացքում Իրանի ավելի քան 2000 էլեկտրացանցերի վրա հարձակումներին, էլեկտրաէներգիայի անջատումները լուծվել են մեկ ժամից էլ պակաս ժամանակում», - նրա խոսքերը մեջբերել է «Թասնիմ» լրատվական գործակալությունը։

ԱՄՆ-ը և Իսրայելը պատերազմը սկսեցին Իրանի դեմ փետրվարի 28-ին։ Ապրիլի 7-ին ԱՄՆ նախագահ Դոնալդ Թրամփը հայտարարեց Իսլամական Հանրապետության հետ երկշաբաթյա զինադադարի մասին։ Իրանի տվյալներով՝ պատերազմի 40-օրյա ընթացքում ԱՄՆ-ի և Իսրայելի հարվածների հետևանքով զոհվել է 3375 իրանցի։

Ապրիլի 11-ին Թեհրանը և Վաշինգտոնը բանակցություններ են վարել Իսլամաբադում, սակայն մի շարք տարաձայնությունների պատճառով երկու կողմերը չեն կարողացել համաձայնության գալ հակամարտության երկարաժամկետ կարգավորման շուրջ։