Ֆիդանը Մեծ Բրիտանիայում կքննարկի Իրանի, Ուկրաինայի և Մերձավոր Արևելքի հարցերը

Թուրքիայի արտաքին գործերի նախարար Հաքան Ֆիդանը ապրիլի 23-ին պաշտոնական այցով կմեկնի Մեծ Բրիտանիա, որտեղ երկկողմ հարցերից բացի, նա նախատեսում է քննարկել նաև Իրանը, Ուկրաինայի հակամարտությունը և Մերձավոր Արևելքի իրավիճակը, ինչպես նաև ելույթ ունենալ Օքսֆորդի համալսարանում։ Այս մասին ՏԱՍՍ-ին հայտնել է Թուրքիայի արտաքին գործերի նախարարության աղբյուրը։

«Արտաքին գործերի նախարար Հաքան Ֆիդանը պաշտոնական այցով կմեկնի Միացյալ Թագավորություն 2026 թվականի ապրիլի 23-24-ը։ Նա կհանդիպի արտաքին գործերի նախարար Իվետ Քուփերի, բրիտանական խորհրդարանի անդամների և այլ պաշտոնյաների հետ։ Լոնդոն այցի ընթացքում նա նաև նախատեսում է ելույթ ունենալ Օքսֆորդի համալսարանի համաշխարհային պատմության կենտրոնի կողմից կազմակերպված միջոցառմանը», - ասել է աղբյուրը։

Քուփերի հետ երկկողմանի շփումների շրջանակներում թուրք նախարարը մտադիր է «քննարկել Իրանի և ԱՄՆ-ի միջև Պակիստանի միջնորդությամբ ընթացող բանակցությունները, որոնք հասել են կրիտիկական փուլի, ինչպես նաև Հորմուզի նեղուցի վերաբերյալ զարգացումները»։