Հունգարիան պետք է գրավոր որոշում ներկայացնի Ուկրաինային վարկ տրամադրելու վերաբերյալ․ Politico

Հունգարիան պարտավոր կլինի գրավոր որոշում ներկայացնել Եվրամիության կողմից Ուկրաինային տրամադրվող 90 միլիարդ եվրոյի վարկի մասին իր դիրքորոշման վերաբերյալ, հաղորդում է Politico-ն՝ հղում անելով եվրոպացի դիվանագետներին։

Նշվում է, որ պատվիրակությունները պարտավոր կլինեն գրավոր ներկայացնել ցանկացած առարկություն սահմանված ժամկետում։ Առարկությունների բացակայությունը նշանակում է Ուկրաինային տրամադրվող վարկի հաստատում։

Հրապարակման աղբյուրների համաձայն՝ այս ընթացակարգը նախատեսված է Բուդապեշտից պահանջելու հստակորեն խախտել լռությունը, եթե Հունգարիայի իշխանությունները մտադիր են շարունակել դեմ լինել վարկին։