Եվրամիությունը հաստատել է Ուկրաինային 90 միլիարդ եվրոյի վարկի տրամադրումը և Ռուսաստանի դեմ նոր պատժամիջոցների կիրառումը

Եվրամիությունը հաստատել է Ուկրաինայի համար 90 միլիարդ եվրոյի վարկը, ինչպես նաև Ռուսաստանի դեմ պատժամիջոցների 20-րդ փաթեթը, հաղորդում է Reuters-ը՝ հղում անելով ԵՄ Խորհրդի Կիպրոսի նախագահությանը։

«ԵՄ դեսպանները հաստատել են Ուկրաինայի համար 90 միլիարդ եվրոյի վարկը, ինչպես նաև Ռուսաստանի դեմ պատժամիջոցների 20-րդ փաթեթը», - ասվում է հայտարարության մեջ։

2026-2027 թվականների համար Ուկրաինային տրամադրվող 90 միլիարդ եվրոյի վարկը հաստատվել է ԵՄ գագաթնաժողովում 2025 թվականի դեկտեմբերին։ Այս միջոցներից 60 միլիարդ եվրոն կօգտագործվի զենքի, իսկ 30 միլիարդը՝ Ուկրաինայի բյուջետային կարիքների համար։ Ակնկալվում է, որ ԵՄ-ն ինքը կվճարի վարկը, քանի որ Կիևը չի կարողանում սպասարկել իր պարտքերը։