Արքայազն Էնդրյուի նախկին կնոջը նկատել են Ավստրիայի լեռնադահուկային հանգստավայրում

Արքայազն Էնդրյուի նախկին կինը՝ Սառա Ֆերգյուսոնը, որը գրեթե յոթ ամիս խուսափում էր հանրային ուշադրությունից՝ Ջեֆրի Էփշտեյնի հետ կապված սկանդալի ֆոնին, նկատվել է Ավստրիայի լեռնադահուկային հանգստավայրերից մեկում։ Այս մասին հայտնում է Daily Mirror-ը։

Ըստ հրապարակման՝ 66-ամյա Յորքի դքսուհին այդ ընթացքում բնակվել է շալեում, որի գիշերակացը կազմում է մոտ 2000 ֆունտ։ Լրագրողները նրան նկատել են այն պահին, երբ նա փորձել է աննկատ զբոսնել ալպյան գյուղում։

Ֆերգյուսոնի գտնվելու վայրը հայտնի է դարձել այն բանից հետո, երբ ԱՄՆ կոնգրեսականներից մեկը պահանջել է նրանից ցուցմունք՝ Ջեֆրի Էփշտեյն-ի հետ կապերի վերաբերյալ։ Աղբյուրների փոխանցմամբ՝ նա դեռ չի պատրաստվում լքել Ավստրիան և շարունակում է մնալ այնտեղ՝ հեռու հանրային ուշադրությունից։