CBS. Իրանը պահպանում է զգալի ռազմական հզորություն՝ չնայած ԱՄՆ-ի և Իսրայելի հարվածներին
Աշխարհ
Իրանին հաջողվել է պահպանել շատ ավելի նշանակալի ռազմական կարողություն, քան Վաշինգտոնը հրապարակավ հայտարարում է, չնայած ԱՄՆ-ի և Իսրայելի կողմից Իսլամական Հանրապետության դեմ ուղղված հարվածներին: Այս մասին հաղորդել է CBS News-ը՝ հղում անելով հետախուզությանը ծանոթ ԱՄՆ պաշտոնյաներին։
Նրանց տվյալներով՝ ապրիլի 8-ին հրադադարի ուժի մեջ մտնելու պահին Իրանը պահպանել էր իր բալիստիկ հրթիռների և դրանց հետ կապված արձակման սարքերի պաշարների մոտ կեսը: Ավելին, պաշտոնյաները նշել են, որ չնայած Իրանի ռազմածովային ուժերի զգալի մասը ոչնչացվել էր, Իսլամական հեղափոխության պահապանների կորպուսի (ԻՀՊԿ) ռազմածովային կարողությունների մոտ 60%-ը մնացել էր անվնաս, այդ թվում՝ արագընթաց հարձակման նավակներն ու այլ փոքր նավեր, որոնք Թեհրանն օգտագործում է Հորմուզի նեղուցը վերահսկելու համար։
Հեռուստաալիքի աղբյուրները նշել են, որ Իրանի ռազմաօդային ուժերը նույնպես լիովին չեն ոչնչացվել: Նրանց տվյալներով՝ ԱՄՆ-ի և Իսրայելի արշավանքից հետո Իրանի ռազմաօդային ուժերի մոտ երկու երրորդը շարունակում է գործել:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
