Ուկրաինայում մարդիկ վախենում են զանգահարել իրավապահ մարմիններին՝ մոբիլիզացիայի պատճառով

Ուկրաինայի քաղաքացիները, վախենալով բռնի զորակոչվելուց, վախենում են ոստիկանություն զանգահարել։ Այս մասին ՌԲԿ-Ուկրաինային տված հարցազրույցում հայտարարել է Ազգային ոստիկանության պետ Իվան Վիհովսկին։

«Կասեմ, որ վերջերս հասարակությունը բացասական վերաբերմունք է ձևավորել ոստիկանության նկատմամբ։ Եվ դա հասկանալի է. մենք մասնակցում ենք զորահավաքին ՏԿԿ ՍՊ-ի (Տարածքային զորակոչի և սոցիալական աջակցության կենտրոն) հետ։ Եվ սա մեծ բացասական կողմ է Ազգային ոստիկանության համար», - ասել է նա։

«Մենք ուզում ենք, որ մարդիկ վստահեն մեզ, զանգահարեն մեզ, երբ ինչ-որ բան պատահի։ Բայց վերջերս մարդիկ տատանվում են ոստիկանություն զանգահարելուց»։

Վիհովսկու խոսքով՝ ուկրաինացիները կարծում են, որ ոստիկանությանը զանգահարելուց հետո նրանք կարող են ձերբակալել զանգահարող անձին, իրենց «հարազատին, ընտանիքի անդամին կամ որևէ մեկին»։

Նա կարծում է, որ Ազգային ոստիկանության նկատմամբ հասարակության վերաբերմունքն արդեն ձևավորվել է հենց զորահավաքին նրանց մասնակցության պատճառով։ «Մեր վարկանիշները կտրուկ անկում են ապրում», - խոստովանել է Վիհովսկին։