Լիբանանի իշխանությունները ցանկանում են երկարաձգել Իսրայելի հետ հրադադարը

Լիբանանի իշխանությունները ցանկանում են երկարաձգել հրադադարը Իսրայելի հետ բանակցությունների շրջանակներում, հաղորդում է Reuters-ը՝ հղում անելով լիբանանցի պաշտոնյայի։

Ինչպես հիշեցնում է գործակալությունը, Լիբանանի նախագահ Ջոզեֆ Աունը հայտարարել է, որ հինգշաբթի օրը Վաշինգտոնում կայացած բանակցությունների ժամանակ ԱՄՆ-ում Լիբանանի դեսպան Նադա Համադ Մոավադը կփորձի երկարաձգել հրադադարը և դադարեցնել երկրի հարավում գտնվող գյուղերում Իսրայելի կողմից տների քանդումը։

«Բեյրութը ցանկանում է հրադադարի երկարաձգում որպես նախապայման՝ բանակցությունները դեսպանների մակարդակից հաջորդ մակարդակ տեղափոխելու համար, որտեղ Լիբանանը կպաշտպանի իսրայելցիների (զինվորական ուժերի դուրսբերումը երկրի տարածքից - խմբ.), Իսրայելում ձերբակալված լիբանանցիների վերադարձը և ցամաքային սահմանի որոշումը (Իսրայելի հետ)», - գործակալությանը հայտնել է լիբանանցի պաշտոնյան։

Ավելի վաղ Լիբանանի նախագահ Ջոզեֆ Աունը հայտարարել էր, որ Իսրայելի կառավարության հետ առաջիկա բանակցությունների նպատակն է դադարեցնել ռազմական գործողությունները, դուրս բերել իսրայելական ուժերը հարավային տարածքներից և տեղակայել Լիբանանի բանակը միջազգայնորեն ճանաչված սահմաններում։