5-6 տոննա և մոտավորապես 2.2 մետր երկարություն․ Եգիպտոսում նոր մեծ արձան է հայտնաբերվել

Եգիպտոսի հյուսիսում հնագետները հայտնաբերել են մեծ արձան, որը, հավանաբար, պատկերում է փարավոն Ռամզես II-ին, ասվում է Եգիպտոսի զբոսաշրջության և հնությունների նախարարության հայտարարության մեջ։

Նախարարության տվյալներով՝ հնագիտական ​​պեղումները տեղի են ունեցել Աշ Շարքիա նահանգի Թել Ֆարուն վայրում։

Արձանը կշռում է հինգից վեց տոննա և մոտավորապես 2.2 մետր երկարություն ունի։ Գերատեսչությունը հավելել է, որ մասնագետները սկսել են դրա վերականգնման նախապատրաստական ​​աշխատանքները։

Ռամզես II-ը համարվում է Հին Եգիպտոսի պատմության մեծագույն կառավարիչներից մեկը, նրա գահակալությունը տևել է ավելի քան 60 տարի։