Ֆինլանդիայի խորհրդարանը կքննարկի միջուկային զենքի ներմուծման և պահպանման թույլատրման նախաձեռնությունը

Ֆինլանդիայի կառավարությունը նախաձեռնություն է ներկայացրել Ֆինլանդիայի խորհրդարան միջուկային զենքի ներմուծումը, տեղափոխումը, մատակարարումը և պահպանումը թույլատրելու համար: Այս մասին հայտարարել է Պաշտպանության նախարարությունը։

Նախարարության տվյալներով՝ կառավարությունը փոփոխություններ է առաջարկել Ֆինլանդիայի ատոմային էներգիայի մասին օրենքում և Ֆինլանդիայի քրեական օրենսգրքում։

Փոփոխությունները թույլ կտան միջուկային զենքի ներմուծումը, տեղափոխումը, մատակարարումը և պահպանումը՝ «Ֆինլանդիայի պաշտպանության, ՆԱՏՕ-ի կոլեկտիվ պաշտպանության կամ պաշտպանական համագործակցության համատեքստում»։