Մեծ Բրիտանիան Ֆրանսիային կվճարի գրեթե 890 միլիոն դոլար՝ անօրինական ներգաղթի դեմ պայքարի համար

Մեծ Բրիտանիան Ֆրանսիային կվճարի 660 միլիոն ֆունտ ստեռլինգ (մոտ 890 միլիոն դոլար)՝ Լա Մանշով անօրինական միգրանտների անցման վերահսկողությունը ուժեղացնելու համար։ Այս մասին ասվում է Մեծ Բրիտանիայի ներքին գործերի նախարար Շաբանա Մահմուդի և նրա ֆրանսիացի գործընկեր Լորան Նունեսի կողմից ստորագրված համաձայնագրում։

«Նոր գործընկերության շրջանակներում 500 միլիոն ֆունտ ստեռլինգ կներդրվի Ֆրանսիայի հյուսիսում վերահսկողության ուժեղացման համար, իսկ լրացուցիչ 161 միլիոն ֆունտ ստեռլինգ կօգտագործվի սահմանային անցումների կանխարգելման գործում դրանց արդյունավետության հիման վրա նոր միջոցառումների ֆինանսավորման համար», - նշվում է հայտարարության մեջ։

Միջոցները հիմնականում կօգտագործվեն Ֆրանսիայի հյուսիսային ափերը պարեկող ոստիկանների թվի ավելացման համար, որտեղ փչովի նավակներով միգրանտները փորձում են հասնել բրիտանական ափեր։ Հայտարարված ծրագրերի համաձայն՝ նրանց թիվը կաճի մոտավորապես 53%-ով՝ 2023-2026 թվականների 907-ից հասնելով 1400-ի 2026-2029 թվականներին։