Ստուբ. ԱՄՆ-ը և Եվրոպան ՆԱՏՕ-ի գագաթնաժողովում կքննարկեն պատասխանատվության վերաբաշխումը

Պաշտպանության ծախսերի բեռի վերաբաշխումը ԱՄՆ-ի և Եվրոպայի միջև կլինի ՆԱՏՕ-ի՝ հուլիսին Անկարայում կայանալիք գագաթնաժողովի գլխավոր հարցը։ Այս մասին առաջարկել է Ֆինլանդիայի նախագահ Ալեքսանդր Ստուբը։

«Անկարայում կայանալիք ՆԱՏՕ-ի ամառային գագաթնաժողովը կկենտրոնանա բեռի վերաբաշխման վրա։ Այլ կերպ ասած՝ ԱՄՆ-ն կհարցնի. «Որքա՞ն պատասխանատվություն եք պատրաստ ստանձնել»։

Ներկայումս հարաբերակցությունը մոտավորապես 60-40 է ԱՄՆ-ի օգտին, և մենք շարժվում ենք դեպի 50-50 կամ 40-60 Եվրոպայի օգտին», - ասել է նա «Ալ Արաբիա» հեռուստաընկերության հետ հարցազրույցում՝ պատասխանելով հաղորդավարի հարցին, թե արդյոք գագաթնաժողովից հետո դաշինքի և Եվրոպայի միջև հարաբերությունները կբարելավվեն։

Նախագահը նշել է, որ դաշինքի անդամ երկրների կողմից ռազմական ծախսերը ՀՆԱ-ի 5%-ին հասցնելու նպատակին հասնելը կարող է հիմք հանդիսանալ «ավելի եվրոպական ՆԱՏՕ-ի» համար։ Ստուբը հավելել է, որ ներկայումս ԱՄՆ-ի և Եվրոպայի միջև հարաբերություններում կան «որոշ խնդիրներ»՝ ամերիկյան ղեկավարության ներկայիս հռետորաբանության պատճառով, և ընդգծել է, որ եվրոպական երկրները պետք է ավելի անկախ մոտեցում ցուցաբերեն իրենց սեփական անվտանգության հարցերին։