Խորվաթիայի վարչապետը կարծում է, որ Ուկրաինան չի կարողանա անդամակցել ԵՄ-ին 2027 թվականին

Խորվաթիայի վարչապետ Անդրեյ Պլենկովիչը չի կարծում, որ Ուկրաինայի համար իրատեսական է 2027 թվականի հունվարի 1-ին որպես լիիրավ անդամ միանալը Եվրամիությանը։

«Ես վստահ չեմ, որ իրատեսական է, որ դա տեղի կունենա 2027 թվականի հունվարի 1-ին», - ասել է Պլենկովիչը՝ պատասխանելով լրագրողների հարցերին Կիպրոսում ԵՄ պետությունների և կառավարությունների ղեկավարների ոչ պաշտոնական գագաթնաժողովի ժամանակ։

«Իմ գիտելիքների, փորձի և լսածի հիման վրա, կարծում եմ, որ ութ ամսվա ընթացքում բոլոր դասական ընթացակարգերով լիիրավ անդամակցությունը քիչ հավանական է», - նշել է նա։

«Մենք վերջինն էինք, որ միացանք համայնքին, և մենք գիտենք, թե որքան բարդ է այս գործընթացը։ Ոչ մի ընդլայնման գործընթաց այնքան կարճ չի եղել, որ կարողանար ավարտվել յոթ ամսվա ընթացքում», - ընդգծել է Պլենկովիչը։ Նա նշել է, որ Խորվաթիան գործել է համեմատաբար արագ, բայց դրա համար պահանջվել է վեց տարի բանակցություններ՝ 2005- 2011 թվականը։

Նա նաև նշել է, որ ԵՄ-ն աջակցում է Ուկրաինային, և որ համայնքն ամբողջությամբ կամք ունի արագացնելու նրա անդամակցության գործընթացը։