Իրանը բացատրել է, թե ինչ կլինի, եթե երկիրը չկարողանա նավթ արտահանել

Թեհրանը թույլ չի տա Մերձավոր Արևելքից նավթի արտահանում, եթե ինքը չկարողանա դա անել, հայտարարել է Իրանի փոխնախագահ Էսմայիլ Սեղաբ ​​Էսֆահանին։

Ավելի վաղ Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ալի Խեզրիանը հայտարարել էր, որ Իրանը նավթ է արտահանում չնայած ԱՄՆ ռազմածովային շրջափակմանը, և որ արտահանվող ծավալները մեծացել են նախապատերազմյան մակարդակի համեմատ։

«Եթե մենք չկարողանանք արտահանել նույնիսկ մեկ բարել նավթ, տարածաշրջանում ոչ մի բարել նավթ չի արտահանվի։

Եթե մեր հայրենակիցներից նույնիսկ մեկը թշնամու հիմարության պատճառով չունենա էլեկտրաէներգիա, ապա տարածաշրջանում ապրող տասը մարդ կզրկվի էլեկտրաէներգիայից», - ասել է Իրանի փոխնախագահը՝ ըստ Իրանի կառավարության պաշտոնական կայքի։