Իտալիայում բռնագրավվել են դինոզավրերի ճանկեր և ամոնիտներ պարունակող անօրինական ծանրոցներ

Իտալիայի Guardia di Finanza-ն կասեցրել է հնէաբանական նյութերի անօրինական ներմուծումն ու շրջանառությունը՝ առգրավելով դինոզավրերի բրածոներ և այլ հազվագյուտ գտածոներ, որոնցից մի քանիսը ավելի քան 50 միլիոն տարեկան են, ասվում է ՌԻԱ Նովոստիի ստացած հայտարարության մեջ։

«Այս գտածոները, որոնք անգնահատելի պատմական և մշակութային արժեք ունեն, Իսպանիայից Իտալիա են ներմուծվել առանց եվրոպական կանոնակարգերով պահանջվող փաստաթղթերի», - ասվում է հայտարարության մեջ։

Պալերմոյի Guardia di Finanza-ի նահանգային հրամանատարության աշխատակիցները նույնականացրել և առգրավել են 17 առարկա, որոնք ձեռք էին բերվել և պահվել անօրինական ճանապարհով։ Բոլոր արտեֆակտները տեղափոխվել են Պալերմոյի համալսարանի երկրաբանական թանգարան՝ հետագա ցուցադրության համար։

«Հայտնաբերված նյութերը աչքի են ընկնում իրենց արտակարգ բազմազանությամբ և գիտական ​​նշանակությամբ», - նշվում է հայտարարության մեջ։