Axios. ԱՄՆ-ի և Իրանի միջև ուղիղ բանակցություններ տեղի կունենան Իսլամաբադում ապրիլի 27-ին

Ամերիկյան և իրանական պատվիրակությունների միջև Իսլամաբադում ուղիղ բանակցություններ տեղի կունենան ապրիլի 27-ին, հայտնել է Axios-ի թղթակից Բարաք Ռավիդը՝ հղում անելով իր սեփական աղբյուրներին։

«Երկու աղբյուրներ հայտնել են, որ ԱՄՆ դեսպանների և Իրանի արտգործնախարար Աբբաս Արաղչիի միջև հանդիպումը կարող է տեղի ունենալ երկուշաբթի օրը, այն բանից հետո, երբ ԱՄՆ ներկայացուցիչներ Ջարեդ Քուշները և հատուկ դեսպան Սթիվ Ուիթքոֆը առանձին երկկողմ բանակցություններ կանցկացնեն պակիստանցի միջնորդների հետ», - գրել է նա X-ում։

Նրա աղբյուրը հայտնել է, որ Արաղչին շաբաթ և կիրակի օրերին հանդիպումներ կունենա պակիստանցի գործընկերների հետ. այս շփումները կնվիրվեն ԱՄՆ-ի հետ բանակցությունների վերսկսմանը։

«ԱՄՆ-ի հետ եռակողմ հանդիպման կազմակերպումը կքննարկվի Արաղչիի հետ մեր հանդիպումից հետո», - Ռավիդը մեջբերել է պակիստանյան աղբյուրին։