ԱՄՆ-ում Չարլզ III-ի այցից առաջ սխալմամբ կախել են Ավստրալիայի դրոշներ

ԱՄՆ-ում Մեծ Բրիտանիայի թագավոր Չարլզ III-ի այցից առաջ ճանապարհին սխալմամբ տեղադրվել են Ավստրալիայի դրոշներ։ Այս մասին հայտնում է Reuters-ը՝ հղում անելով Կոլումբիայի շրջանի տրանսպորտի դեպարտամենտին։

Նշվում է, որ Վաշինգտոնում թագավորի երթուղու երկայնքով տեղադրված ավելի քան 230 դրոշներից առնվազն 15-ը եղել են Ավստրալիայի դրոշներ։ Սխալը արագորեն հայտնաբերվել և շտկվել է՝ կանխելով դիվանագիտական անհարմար իրավիճակը։

Չարլզ III-ը նախատեսում է ԱՄՆ այցելել ապրիլի 27-ին։ Նրա չորսօրյա այցը կլինի առաջինը 2007 թվականից հետո, երբ ԱՄՆ էր այցելել թագուհի Ելիզավետա II-ը։