Հայտնաբերվել է մի արտադրանք, որը արագացնում է տղամարդկանց մոտ հիշողության վատթարացումը

Էդիթ Քոուեն համալսարանի գիտնականների կարծիքով՝ աղի մեծ քանակությամբ օգտագործումը կարող է տղամարդկանց մոտ հիշողության արագացման պատճառ դառնալ։ Հետազոտության արդյունքները հրապարակվել են «Ծերացման նեյրոկենսաբանություն» (NBA) ամսագրում։

Հետազոտությանը մասնակցել է 1208 մարդ, որոնց վեց տարի հետևել են։ Գիտնականները վերլուծել են մասնակիցների սննդակարգը և հետևել նրանց ճանաչողական ֆունկցիայի փոփոխություններին։ Պարզվել է, որ նատրիումի (աղի բաղադրիչ) մեծ քանակությամբ օգտագործող տղամարդիկ հիշողության ավելի արագ կորուստ են ունեցել, քան նրանք, ովքեր սահմանափակել են աղի օգտագործումը։ Կանանց մոտ նման կապ չի հայտնաբերվել։

Սա վերաբերում է դրվագային հիշողությանը՝ անձնական իրադարձությունները և առօրյա մանրամասները հիշելու ունակությանը։ Այն հաճախ առաջիններից մեկն է, որը տուժում է տարիքային ճանաչողական անկումից։

Հեղինակները ենթադրում են, որ աղի ավելցուկը կարող է բացասաբար ազդել ուղեղի վրա մի քանի մեխանիզմներով։ Մասնավորապես, այն կարող է մեծացնել բորբոքումը, վնասել արյան անոթները և խաթարել ուղեղի հյուսվածքի արյան հոսքը։ Հետազոտողները ընդգծում են, որ իրենց արդյունքները չեն ապացուցում ուղղակի պատճառահետևանքային կապ, բայց դրանք մատնանշում են սննդակարգի հնարավոր դերը ճանաչողական առողջությունը պահպանելու գործում։ Նրանք ենթադրում են, որ աղի օգտագործման վերահսկումը կարող է լինել տարիքի հետ կապված հիշողության վատթարացման ռիսկը նվազեցնելու պարզ միջոց, սակայն այս արդյունքները լրացուցիչ հաստատման կարիք ունեն։

Թարգմանությունը՝ Lurer.com-ի