Իրանի ԱԳ նախարարը մեկնել է Մոսկվա

Իրանի արտաքին գործերի նախարար Աբբաս Արաղչին մեկնել է Մոսկվա՝ ռուս պաշտոնյաների հետ բանակցություններ վարելու համար, հայտնում է Իրանի արտաքին գործերի նախարարությունը։

«Արաղչին Մոսկվա է մեկնել դիվանագիտական ​​​​պատվիրակության գլխավորությամբ: Այցի ընթացքում նա խորհրդակցություններ կանցկացնի բարձրաստիճան ռուս պաշտոնյաների հետ՝ երկկողմ հարաբերությունների, ինչպես նաև տարածաշրջանում և աշխարհում տեղի ունեցող զարգացումների վերաբերյալ», – ասվում է Արտաքին գործերի նախարարության հաղորդագրության մեջ:

Ավելի վաղ Մոսկվայում Իրանի դեսպան Քազեմ Ջալալին հայտարարել էր, որ Արաղչին ակնկալում է երկուշաբթի օրը հանդիպել Ռուսաստանի նախագահ Վլադիմիր Պուտինի հետ։

Ռուսաստանի արտաքին գործերի նախարարությունը «ՌԻԱ Նովոստի»-ին հաստատել է Իրանի արտաքին գործերի նախարարի Ռուսաստան այցը՝ բանակցությունների նպատակով։