Թրամփը սարկազմով պատասխանել է իր քննադատներին․ առաջարկել է ICE-ը վերանվանել NICE

ԱՄՆ նախագահ Դոնալդ Թրամփը աջակցել է ներգաղթի և մաքսային վերահսկողության ծառայության (ICE) անվանափոխման գաղափարին՝ այն դարձնելով Ազգային ներգաղթի և մաքսային վերահսկողության ծառայություն (NICE)։ Այս մասին հայտնում են միջազգային լրատվամիջոցները՝ հղում անելով նրա գրառմանը Truth Social սոցիալական հարթակում։

Առաջարկը հնչեցրել է օգտատերերից մեկը՝ նշելով, որ նման անվան դեպքում լրատվամիջոցները ստիպված կլինեն ծառայության աշխատակիցներին անվանել «NICE գործակալներ», ինչը անգլերենից թարգմանվում է որպես «լավ գործակալներ»։ Թրամփը արձագանքել է կարճ՝ «Հիանալի գաղափար է, արեք դա»՝ փաստացի աջակցելով առաջարկին։

ICE ծառայության գործողությունները ԱՄՆ-ում լայն քննադատության են արժանացել՝ հատկապես հակամիգրացիոն գործողությունների ընթացքում մարդկանց ձերբակալությունների հետ կապված սկանդալների պատճառով։ ԱՄՆ իշխանությունները մեղադրում են որոշ նահանգների՝ ծառայությանը չաջակցելու մեջ, մինչդեռ հասարակության մի մասը շարունակում է կոշտ քննադատել Թրամփի քաղաքականությունը՝ սոցիալական ցանցերում և բողոքի ակցիաներով։ Միևնույն ժամանակ, ինչպես ավելի վաղ հայտնել էին լրատվամիջոցները, Ռուսաստանի նախագահ Վլադիմիր Պուտինը Թրամփին համեմատել է «տանկի» հետ՝ նշելով, որ նման մոտեցումը տալիս է արդյունք։